Writen by Qaran News |

Hargeisa-(Qaran-news)-Waxa maanta madaarka caalamiga ah ee Egal Intranational Airport ka soo degay Agaasimaha guud ee wasaarada ganacsiga iyo warshadaha  xukumadda Farmaajo (Somalia ) mudane Abdillahi Xayir Ducaale.

 

Ergeygan ayaa Markii uu ka soo degay madaarka Hargeysa maanta waxa markiiba la wareegay wasiirka madaxtooyada Somaliland Maxamuud Xaashi Cabdi oo xoggo Warfidiyeenka Qarannews helay tibaxayaan in isaga laftiisu uga yeedhay Muqdisho,ku darsoo Agaasimaha & Wasiirka Madaxtooyada ayaa la sheegay inay isku hayb & Degaan ka soo jeedaan.

Ergeygan ayaa Madaarka looga saaray si xirfadaysan oo qarsoodiya waxaana lagu qaaday baabuurka khaaska ah ee wasiirka madaxtooyada Somaliland, waxaana xogguhu sheegeen in Qaar ka mid ah saraakiisha sarsare ee Madaarka hawshaas fududeeyeen

Ergaygan ka Tirsan Dawlada Farmaajo ayaa waxa la dejiyey oo uu haddana ku sugan yahay  Aqalka wasiirka madaxtooyada oo ilaa caawa ay ka socdaan wadahadalo aan kala go’o lahayn, waxana isla caawa ku qulqulaayey Aqalka Wasiirka madax ka tirsan xukumadda Siilaanyo kuwaasi oo tiroba la arkay dhowr xubnood oo ka mid ah Mus-danbeedka madaxtooyada,ku darsoo weliba markay aqalka gelayeen Qaab dhuumaalaysi & sanqadh tirasho ah u socday ,Go’yaal shaalana soo hulaabtay si aan wejiyadooda si fiican loogu arkin ama u muuqan.

Ergaygan ayaa ah shaqsigii ugu horeeyay ee ka tirsan xukumadda Farmaajo oo isagoo xil haya ku soo dhiirada in uu shoolada u soo galo Somaliland,si toosana uga soo dega Madaarka Hargeysa iyada uu dalka ku soo galay sharci daro waxana lagu wadaa in berri la geeyo Qasriga Madaxtooyada,

 

Xukumadda Siilanyo iyo xisbigeeda Kulmiye ayaa xisbiyada mucaaridka ku dhaliila in ay u jan jeedhaan xaga Somaliya,ha yeeshee waxa taas meesha ka saartay oo cadaatay inay Xukumada Siilanyo faraha kula jirto wixi ay mucaaridka ku dhaliili jireen,islamarkaana qeyb ka yihiin carqaladaha & dibindaabyooyinka hortaagan Madax-banaanida & gooni-isutaaga Somaliland.

 

Wixii Xoggo ah ee ka soo kordha qadiyadan isha ku hay Qarannews