Wasiirro soo Gabogabeeyay Tababar ku saabsan Waddaniyadda
Hargeysa(Qaran news)-Wasiirka Wasaaradda Arimaha Gudaha JSL Maxamed Kaahin Axmed uu wehelinayo Wasiirka Wasaaradda Dastuurka iyo Xidhiidhka Goleyaasha Mudane Cabdinaasir Xasan Muxumed Buuni ayaa soo geba-gebeeyey kulanka ku saabsan isku xidhka Dhallinyarada ka shaqeeya ama qaybta ka qaata Wadaniyadda iyo arrimaha Bulshada.
Kulankan waxaa soo qaban-qaabisay xarunta Wadaniyada iyo barashada Dastuurka ee Wasaaradda Dastuurka iyo Xidhiidhka Goleyaasha, waxaana dhallinyarada Khudbado dhiiri-gelin ah u jeediyey Wasiirada Wasaaradaha Arrimaha Gudaha iyo Dastuurka.
