๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ค๐ฎ๐ฅ๐๐ง ๐ฅ๐ ๐ฒ๐๐๐ฌ๐ก๐๐ฒ ๐๐๐๐ข๐ข๐ซ๐ค๐ ๐๐๐ฅ๐ค๐ ๐๐๐ง๐ฆ๐๐ซ๐ค
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) ayaa maanta Qasriga Madaxtooyada kulan istiraatiiji ah kula yeeshay Safiirka Dalka Denmark, Mudane Steen Sonne Andersen.
Madaxweynuhu waxa uu Safiirka iyo Dowladda Denmark uga mahad naqay taageerada joogtada ah ee ay Somaliland ka siiso dhinacyada horumarka, kaabeyaasha dhaqaalaha, hayโadaha dawliga ah, iyo taageerada farsamo ee ku wajahan hannaanka doorashoyinka iyo dimuqraadiyadda.
Madaxweynuhu waxa uu hoosta ka xarriiqay in Jamhuuriyadda Somaliland ay ka goโan tahay sii xoojinta iyo balaadhinta xidhiidhka labada dal, gaar ahaan iskaashiga amniga, dhaqaalaha, adeegyada bulshada iyo barnaamijyada horumarineed.
Dhankiisa, Safiirka Dalka Denmark, waxa uu Madaxweynaha iyo Xukuumadiisa ku hambalyeeyay dedaallada nabadeed iyo horumarka wanaagsan ee laga gaadhay dhismaha nabadda iyo xasilinta Gobollada Bariga Somaliland, gaar ahaan magaalada Ceerigaabo.
Danjiruhu waxa uu hoosta ka xarriiqay in dawladdiisu ay sii wadi doonto taageerada ay Somaliland ka siiso xagga dhismaha nabadda, horumarinta kaabeyaasha dhaqaalaha, iyo xoojinta hayโadaha muhiimka u ah maamul wanaagga.
Dhinaca kale, Safiirka Denmark waxa uu dul istaagay barnaamijyada horumarineed ee Denmark iyo hawlaha waaweyn ee ay ka waddo Somaliland. Waxa kale oo uu Madaxweynaha kala hadlay hab-sami-u-socodka arrimaha doorashooyinka iyo mashruuca dimuqraadiyadda ee Jamhuuriyadda Somaliland.
Kulanka ayaa ku soo dhammaaday isfaham iyo in labada dhinac ay ka wada shaqeeyaan arrimaha nabadda, xasilloonida iyo horumarka Gobolka Geeska Afrika.
๐๐๐๐๐ ๐๐๐๐๐ ๐๐๐
๐๐ฎ๐ฌ๐๐๐ง ๐๐๐๐๐ง ๐๐ข๐ ๐ (๐๐๐ฒ๐ซ),
๐๐๐ก๐๐ฒ๐๐๐ง๐ค๐ ๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐
