Dr. Fadal oo ka Cudurdaartay Guddidii dhamaystirka isgaradka Somaliland iyo Itoobiya
Hargeysa(Qaran news)- Dr. Maxamed Cismaan Fadal oo ah aqoonyahan iyo siyaasi caan ah ayaa sheegay inuu ka cudurdaartay guddidii madaxweynuhu ku soo daray ee dhammaystirka heshiiskii is afgarad ee ay kala saxeexdeen Somaliland iyo Itoobiya.
Dr. Fadal oo caawa u warramayey Telefishanka Saab isagoo jooga London, waxaanu tilmaamay inuu hawlo gaar ah iyo daraasado kz waday Ingiriiska, madaxweynahana uu waraaq uu u qoray ugu mahadceliyay, kana cudurdaartay Guddidaas.
Waxa uu tilmaamay in heshiiskani uu madaxweynuhu dan u arkayey hase ahaatee cidda ka soo horjeedaa ay dhaaftay wixii faa’iido laga lahaa.
Waxa uu tilmaamay in heshiiskani aanu dhammaystirnayn marka uu bislaado ee la ansixiyo wax laga sheegi karo.
