๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ค๐ฎ๐ฅ๐๐ง ๐ฆ๐ฎ๐ก๐ข๐ข๐ฆ ๐๐ก ๐ฅ๐ ๐ฒ๐๐๐ฌ๐ก๐๐ฒ ๐๐๐๐ข๐ข๐ซ-๐ค๐ฎ-๐ฑ๐ข๐ ๐๐๐ง๐ค๐ ๐๐๐ฐ๐ฅ๐๐๐๐ ๐ ๐๐ซ๐๐ง๐ฌ๐ข๐ข๐ฌ๐ค๐ ๐ฎ ๐๐๐๐ก๐ข๐ฒ๐ ๐๐๐ฅ๐ค๐ ๐๐๐ง๐ฒ๐ ๐ข๐ฒ๐จ ๐๐๐๐ญ๐ข ๐๐๐ฅ๐ฅ๐๐๐๐ก๐๐ง ๐จ๐จ ๐ฎ๐ฎ ๐ก๐จ๐ ๐ ๐๐๐ฆ๐ข๐ง๐๐ฒ๐๐ฒ.
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro), ayaa maanta Qasriga Madaxtooyada kulan diblomaasiyadeed oo muhiim ah kula yeeshay Safiir ku-xigeenka Dawladda Faransiiska u fadhiya Jamhuuriyadda Kenya, Mudane ๐๐จ๐ฆ๐๐ข๐ง ๐๐๐๐ iyo Wefti ballaadhan oo uu hoggaaminayey oo booqasho rasmi ah ku yimid dalka Somaliland.
Weftiga ka socday dalka Faransiiska, oo ahaa kii ugu ballaadhnaa ee booqasho rasmi ah ku yimaada Jamhuuriyadda Somaliland, ayaa Madaxweynuhu waxa uu ugu horrayn uga mahad naqay booqashada ay ku yimaadeen Somaliland, isaga oo sheegay in Somaliland ay diyaar u tahay xoojinta iyo horumarinta xidhiidhka labada dhinac, gaar ahaan dhinacyada diblomaasiyadda, Ganacsiga, Maalgashiga, Dalxiiska, Dhaqanka iyo is-weydaarsiga Aqoonta.
Weftiga waxa ka mid ahaa Dr. Xavier Gutherz oo ah Khabiir Caalami ah oo indhaha Bulshada Caalamka ku baraarujiyey muhiimadda Taariikheed ee uu leeyahay Aasaarta Qadiimiga ah ee Laas Geel, Somaliland.
Muhiimad gaar ah waxa lahaa in Madaxweynaha Jamhuuriyadda Somaliland uu si buuxda u taageeray mashruuca”๐ฃ๐ฟ๐ผ๐๐ฒ๐ฐ๐๐ถ๐ผ๐ป ๐ฎ๐ป๐ฑ ๐ฃ๐ฟ๐ผ๐บ๐ผ๐๐ถ๐ผ๐ป ๐ผ๐ณ ๐ฆ๐ผ๐บ๐ฎ๐น๐ถ๐น๐ฎ๐ป๐ฑ’๐ ๐๐๐น๐๐๐ฟ๐ฎ๐น ๐ฎ๐ป๐ฑ ๐๐ฟ๐ฐ๐ต๐ฒ๐ผ๐น๐ผ๐ด๐ถ๐ฐ๐ฎ๐น ๐๐ฒ๐ฟ๐ถ๐๐ฎ๐ด๐ฒ: Ilaalinta iyo Horumarinta Dhaxalka Dhaqanka Somalilandโ oo ay maalgelinayso Dawladda Faransiisku, isaga oo Dr. Xavier Gutherz guddoonsiiyey Shahaado Sharaf lagu bogaadinayo isaga iyo kooxdiisa dedaalka weyn ee ay ku bixiyeen ilaalinta iyo badbaadinta Aasaarta iyo Dhaxalka Taariikheed ee Jamhuuriyadda Somaliland.
Dhinaca kale, Madaxweynuhu waxa uu Weftiga u faahfaahiyey fursadaha ballaadhan ee ka jira dalka Somaliland, gaar ahaan jawiga nabdoon, xasilloonida siyaasadeed iyo nidaamka dimuqraadiga ah ee ka jiraSomaliland, kuwaasi oo saldhig u ah in labada dal ay yeeshaan iskaashi dhinacyo badan leh oo midho-dhal ah.
Madaxweynuhu waxa uu adkeeyey in Somaliland ay diyaar u tahay in ay balaadhiso iskaashiga ay la leedahay Dalka Faransiiska, isla markaana ay danaynayso in la xoojiyo wada shaqaynta ku saabsan horumarinta ganacsiga, dhiirrigelinta maalgashiga, kor u qaadista waxbarashada iyo kobcinta xidhiidhada dhaqameed.
Isaguna dhankiisa, Safiir-ku-xigeenka Dawladda Faransiska ee dalka Kenya, Mudane Romain JOLY ayaa Madaxweynaha uga mahadnaqay soo dhaweynta qiimaha leh, isaga oo muujiyey in Faransiisku danaynayo kobcinta xidhiidhka uu la leeyahay Somaliland, isla markaana uu qiimeynayo doorka ay Jamhuuriyadda Somaliland ku leedahay nabadda iyo xasilloonida Gobolka Geeska Afrika.
Kulanka ayaa ku soo gebogeboobay is-faham iyo rabitaan wadajir ah oo ku saabsan sii xoojinta wada-shaqaynta iyo iskaashiga labada dhinac, si loo gaadho dano wadaag ah iyo iskaashi waara oo u adeegaya horumarka labada dal.
๐๐๐๐๐ ๐๐๐๐๐ ๐๐๐
๐๐ฎ๐ฌ๐๐๐ง ๐๐๐๐๐ง ๐๐ข๐ ๐ (๐๐๐ฒ๐ซ),
๐๐๐ก๐๐ฒ๐๐๐ง๐ค๐ ๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐
