Muqdisho, (Qaran news)- Shirkadda Dahabshiil ayaa shaacisay inay taageero ka geysanayso suuqii Xamar weyne ee dhawaan dabku waxyeeleeyay iyo fatahaada daadka khasaaraha badan ka geystay gobollo ka mid ah Soomaaliya.
Sidaana waxay ku sheegtay qoraal ay ku baahisay barta Twitterka, Shirkadda Dahabshiil waxaanay intaas ku dartay inay ka murugaysan tahay dabka baabiiyay ganacsigii Suuqa Xamar Weyne oo dad badani ku tabaaloobeen.
Sidoo kale waxay caddaysay inay kaalmo ka geysan doonto daadadka waxyeeleeyay gobollo ku yaalla Soomaaliya, waxana ay tilmaantay in loo baahan yahay in casharro laga korodhsado masiibooyinkaasi si looga taxadaro mustaqbalka.
Shirkadda Dahabshiil waxa ay hore u taageertay ganacsatadii ay dhibku ka soo gaadhay suuqyada Hargeysa,Jigjiga, Wajaale iyo meelo kalaba
