Fadhigii 42-aad ee Shirka Golaha Wasiirrada Jammhuuriyadda Somaliland oo uu Shir-gudoominayey Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro), ayaa maanta ka qabsoomay Qasriga Madaxtooyada Jamhuuriyadda Somaliland.
Fadhigii 42-aad ee Shirka Golaha Wasiirrada waxa lagaga wada hadlay qodobo muhiim ah oo ay ka mid yihiin:
๐. ๐๐๐ซ๐๐ข๐ฑ๐ข๐ง๐ญ๐ ๐๐๐๐ฅ๐๐๐๐ ๐๐ฆ๐ง๐ข๐ ๐ ๐๐๐ฅ๐ค๐:
Waxa ka war bixiyey Wasiirka Wasaaradda Arrimaha Gudaha iyo Amniga Qaranka Mudane Cabdalle Maxamed Carab, isaga oo sheegay in ammaanka guud ee dalka Jamhuuriyadda Somaliland uu yahay mid sugan oo xasiloon, isla markaana aanay jirin khatar amni oo Qaranka halis ku ah.
๐. ๐๐๐ซ๐๐ข๐ฑ๐ข๐ง๐ญ๐ ๐๐๐ค๐ก๐ฅ๐ข๐ ๐ ๐ข๐ฒ๐จ ๐๐ก๐๐ช๐๐๐ฅ๐๐ก๐ ๐๐๐ฅ๐ค๐:
Waxa Golaha Wasiirrada warbixin guud siiyey Wasiirka Wasaaradda Maaliyadda iyo Horumarinta Dhaqaalaha JSL, Mudane Cabdilaahi Xasan Aadan. Wasiirku waxa uu sheegay hab-sami-u-socodka Dakhliga dalka ee January ilaa October in uu u socdo si waafaqsan Odoroskii Miisaaniyadda 2025-ka.
Sidoo kale, Wasiirku waxa uu Golaha u sheegay in Diyaarinta Miisaaniyadda Qaranka ee 2026 si buuxda loo dhammaystiray, isla markaana Golaha la horkeeni doono si ay uga doodaan, una meel mariyaan.
Wasiirka Maaliyadda ayaa faahfaahin ka bixiyey kulamo hawleed midho dhal ah oo ay Wasaaradda Maaliyaddu ku yeelatay magaalada Dubai, kulamadaasi oo ahaa kuwo lagu adkeeyey iskaashi ballaadhan oo laba dhinac ah oo ku saabsan horumarinta kaabeyaasha dhaqaalaha, iyo xoojinta Dakhliyada Qaranka JSL.
๐. ๐๐๐ซ๐๐ข๐ฑ๐ข๐ง๐ญ๐ ๐๐๐๐ฅ๐๐๐๐ ๐๐๐๐๐ซ๐๐ก๐ ๐๐๐ฅ๐ค๐:
Waxa ka war bixiyey Wasiirka Wasaaradda Diinta iyo Awqaafta JSL, Mudane Sheekh Cabdullaahi-Baashe Daahir Jaamac oo ah Xubin ka tirsan Guddida Gurmadka Abaaraha Heer Qaran, isaga oo sheegay in Gobollada Dalka oo dhan ay Xaaladda Abaarahu sii adkaynayaan maalinba maalinta ka dambaysa, sidaa darteedna loo baahan yahay in la galo Gurmad Qaran oo lagu taakulaynayo dadkeenna ay abaaruhu saameeyeen.
๐. ๐๐๐ซ๐๐ข๐ฑ๐ข๐ง ๐ค๐ฎ ๐ฌ๐๐๐๐ฌ๐๐ง ๐๐๐๐ฅ๐๐๐๐ ๐๐ก๐จ๐จ๐๐ค๐ ๐๐จ๐จ๐ฅ๐๐ก๐:
Waxa Golaha uga xog warramay Wasiirka Wasaaradda Xannaanada Xoolaha iyo Horumarinta Reer Miyiga, Mudane Dr Cumar Shucayb Maxamed. Wasiirku waxa uu sheegay in Casriyeynta iyo Tayeynta Nidaamka iyo Kaabeyaasha Dhoofinta Xoolaheenu ay tahay arrin lagama maarmaan ah oo leh mudnaan Qaran, maadaama Xoolaheenu ay yihiin laf-dhabarta dhaqaalaha Qaranka. Wasiirku waxa uu xusay in tallaabooyinkan ay xoojin doonaan tartanka suuqyada dunida, tayada dhoofka Xoolaha, iyo koboca dakhliga Dalka.
Wasiirku waxa uu sheegay in Abaaraha baahsan ee ka jira dalka JSL ay saamayn xun ah ku yeesheen tirada iyo tayada Xoolaha, sidaa,darteedna loo baahan yahay in laga yeesho Talo Qaran oo lagu bedbaadinayo Xoolaheena.
๐. ๐๐๐ซ๐๐ข๐ฑ๐ข๐ง๐ญ๐ ๐๐๐๐ฅ๐๐๐๐ ๐๐๐๐๐ข๐ฆ๐๐๐๐ค๐ ๐๐ฎ๐ฎ๐ ๐๐ ๐๐๐ฅ๐ค๐:
Waxa Golaha uga xog warramay Wasiirka Wasaaradda Horumarinta Caafimaadka, Mudane Dr Xuseen Bashiir Xirsi. Wasiirka Wasaaradda Horumarinta Caafimaadka JSL ayaa xusay in cudurrada Jadeecada, Gawracatada iyo Duumadu ay ka muuqato woxogaa hoos-u-dhac ah, isla markaana ay socdaan dedaallo ay Wasaaraddu waddo oo lagu xoojinayo ka hortagga iyo la-tacaalidda xanuunnadan.
Dhinaca kale, Wasiirku waxa uu Golaha ku wargeliyey in xanuun halis ah oo lagu magacaabo Magburg Virus uu ka dillaacay dalka Itoobiya, isla markaana Wasaaradda Horumarinta Caafimaadku ay waddo diyaargarow buuxa iyo kormeerro lagu xakameynayo xanuunkan isaga ah, si loo xaqiijiyo Bad-qabka bulshada, gaar ahaan deegaanada Xuduudaha.
๐. ๐๐๐ซ๐๐ข๐ฑ๐ข๐ง ๐ค๐ฎ ๐ฌ๐๐๐๐ฌ๐๐ง ๐๐ก๐ข๐ซ ๐๐ฒ ๐ช๐๐๐๐ง ๐๐จ๐จ๐ง๐ญ๐จ ๐๐๐ฌ๐๐๐ซ๐๐๐๐ ๐๐จ๐ซ๐ฌ๐ก๐๐ฒ๐ง๐ญ๐ ๐ข๐ฒ๐จ ๐๐จ๐ซ๐ฎ๐ฆ๐๐ซ๐ข๐ง๐ญ๐ ๐๐๐ซ๐๐ง๐ค๐ ๐๐๐
Waxa ka war bixisay Wasiirka Wasaaradda Qorshaynta iyo Horumarinta Qaranka, Marwo Kaltuun Sh Xasan Cabdi. Wasiirku waxa ay Golaha u la wadaagtay in
Wasaaradda Qorshaynta iyo Horumarinta Qaranka JSL ay qaban doonto shir heer sare ah (High-Level Development Coordination Forum), oo lagu soo bandhigi doono Mashruucyada Horumarineed ee mudnaanta gaarka u leh Qaranka Somaliland.
Shirkan ayaa isu keeni doona Xukuumadda Jamhuuriyadda Somaliland, Hay’adaha Waddaniga ah ee Somaliland, Daneeyeyaasha Horumarka, Deeq-bixiyeyaasha iyo Hayโadaha caalamiga ah, waxana diiradda la saari doonaa maalgashiga, iskaashiga iyo dar-dargelinta Mashaariicda lagu kobcinayo dhaqaalaha Dalka iyo, kaabeyaasha adeegyada bulshada.
๐. ๐๐๐๐ซ๐๐๐๐ ๐๐ข๐ซ๐ญ๐ข๐ซ๐ข๐๐๐ ๐๐ฎ๐ฆ๐ฆ๐๐๐๐ (๐๐๐๐ซ๐ข๐ค๐๐๐) ๐๐๐๐๐ข๐ข๐๐ค๐ ๐ข๐ฒ๐จ ๐๐๐๐ซ๐๐๐๐ ๐๐๐๐ฆ๐ฎ๐ฅ๐ค๐ ๐๐๐๐ซ๐๐ฌ๐ก๐ฒ๐๐๐ ๐ข๐ฒ๐จ ๐๐ก๐๐ฅ๐๐ง-๐ซ๐จ๐ ๐ ๐ (๐ ๐จ๐จ๐ ๐จ๐ฒ๐ง๐ญ๐) ๐๐๐๐๐ข๐ข๐๐ค๐:
Waxa ka war bixiyey Wasiirka Wasaaradda Gaadiidka iyo Horumarinta Jidadka, Mudane Cismaan Ibraahim Nuur (Afgaab).
Wasiirku waxa uu Golaha u sheegay in Wasaaraddu ay dejisay habraac cusub oo lagu nidaaminayo tirtiridda summadda (taarikada) Gaadiidka, maamulka Geerashyada iyo dhalan-rogga Gaadiidka, si loo helo nidaam casri ah oo hufan oo waafaqsan Sharciyada dalka JSL.
Dhanka kale, Wasiirku Gaadiidku waxa uu sheegay in dhalan-rogga Gaadiidka (googoynta) keliya la oggolaan doonaa kaddib kormeer farsamo oo buuxa, iyada oo la hubinayo in wax-ka-beddellada lagu sameeyey Gaadiidku ay u hoggaansan yihiin tilmaamaha bedbaadada iyo Xeerarka waddo-marista dalka JSL.
๐. ๐๐๐ซ๐๐ข๐ฑ๐ข๐ง๐ญ๐ ๐๐ก๐ข๐ซ ๐๐ฒ ๐ฐ๐๐๐ ๐ฒ๐๐๐ฌ๐ก๐๐๐ง ๐๐จ๐ฅ๐๐ก๐ ๐๐๐ฌ๐ข๐ข๐ซ๐ซ๐๐๐ ๐๐๐ ๐ข๐ฒ๐จ ๐๐ข๐ฌ๐๐๐ฅ-๐๐๐๐ค๐ข๐ฆ๐ค๐ ๐๐๐๐๐๐๐:
Waxa ka war bixiyey Wasiirka Madaxtooyada JSL, Mudane Khadar Xuseen Cabdi, isaga oo Golaha Wasiirrada faahfaahin ka siiyey ujeeddada Shirka oo ahayd xoojinta wada-shaqaynta Xisbiga iyo Xukuumadda, dardargelinta xog-warranka iyo u dhawaanshaha taageerayaasha baaxadda leh ee Xisbiga WADDANI, iyo fulinta Barnaamij Siyaasadeedka Xisbiga.
Wasiirku waxa uu xusay in kulanku uu ahaa mid midho-dhal, isla markaana kor u qaaday isku-duubnida iyo jihaynta hawlaha Xukuumadda oo la jaan-qaadaya Ajandaha Aiyaasiga ah ee Xisbiga talada haya.
๐. ๐๐จ๐จ๐๐๐ ๐ข๐ฒ๐จ ๐๐ง๐ฌ๐ข๐ฑ๐ข๐ง๐ญ๐ ๐๐ข๐ฒ๐๐๐ฌ๐๐๐๐ ๐๐๐ซ๐๐ง๐ค๐ ๐๐ ๐๐ก๐๐ฅ๐ฅ๐ข๐ง๐ฒ๐๐ซ๐๐๐:
Siyaasadda Qaranka ee Dhallinyarada JSL oo todobaadkii hore loo qaybiyey Golaha Wasiirrada si ay u akhriyaan, ayaa waxa si kooban uga warbixiyey Wasiirka Wasaaradda Dhallinyarada iyo Ciyaaraha Mudane Axmed-Yaasiin Maxamed Faarax iyo Garyaqaanka Guud ee Xukuumadda, Mudane Cali Baashe Maxamed, iyaga oo Golaha ka codsaday in si buuxda loo ansixiyo Siyaasaddan.
Dood iyo falanqayn kaddib, Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) waxa uu Golaha faray in loo codeeyo Siyaasadda Qaranka ee Dhallinyarada JSL. 37 Xubnood oo joogay Fadhigii 42-aad ee Shirka Golaha Wasiirrada JSL ayaa u codeeyey Siyaasadda Dhallinyarada, iyada oo aanay jirin cid diiday ama cid ka aamustay.
๐๐๐๐๐ ๐๐๐๐๐ ๐๐๐
๐๐ฎ๐ฌ๐๐๐ง ๐๐๐๐๐ง ๐๐ข๐ ๐ (๐๐๐ฒ๐ซ)
๐๐๐ก๐๐ฒ๐๐๐ง๐ค๐ ๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐
