Warbaahinta caalamiga ah ee Horn Lens ayaa soo bandhigtay warbixin muujinaysa muhiimadda xuska iyo dabaaldegga 18-ka May ee lagu qabtay Aqalka Hoose ee Gobolka Minnesota, kaas oo ay ku tilmaantay bandhig istaraatiiji ah oo iftiiminaya awoodda madaniga ah, abaabulka siyaasadeed, iyo saameynta qurbajoogta Somaliland ee Maraykanka.
Warbixinta ayaa dhacdadan taariikhiga ah ku tilmaantay mid ka mid ah dhaqdhaqaaqyada siyaasadeed ee ugu muhiimsan arrimaha diblumaasiyadeed ee Geeska Afrika, gaar ahaan arrimaha aqoonsiga iyo xoojinta sumcadda caalamiga ah ee Somaliland. Waxa kale oo lagu sheegay munaasabaddan mid ka mid ah dedaalada ugu muhiimsan ee taariikhda casriga ah ee qurbajoogta Somaliland.
Horn Lens ayaa caddeysay in munaasibaddan ka dhacday badhtamaha dalka Maraykanka, sida Minnesota aanay kaliya aheyn dabaaldeg dhaqameed, balse ay ahayd tallaabo istaraatiiji ah oo muujinaysa awood iyo saameyn siyaasadeed, taas oo si cad u muujisay sida magaalada Minnesota ay u noqotay xarunta muhiim ah oo u doodda Somaliland.
“Dhacdooyinkii ugu dambeeyay ee aqalka Hoose ee Minnesota waxay muujinayaan korodhka ka-qaybgalka siyaasadeed iyo abaabulka bulshada reer Somaliland. Doodaha ku saabsan mowqifka caalamiga ah ee Somaliland iyo muhiimadda istaraatiijiga ah ayaa sii xoogeystay. Laga bilaabo Minneapolis ilaa Washington, laga bilaabo dhaqdhaqaaqa qurbajoogta ilaa istaraatiijiyadda caalamiga ah, sheekadan waa mid ka weyn inta ay dadku ka warqabaan,” ayaa lagu soo gabagabeeyay warbixinta.
