๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ค๐ฎ๐ฅ๐๐ง ๐ฅ๐ ๐ฒ๐๐๐ฌ๐ก๐๐ฒ ๐๐ฎ๐๐๐ข๐๐ ๐๐๐ซ๐ ๐๐ ๐๐๐๐ง๐ค๐ ๐๐ก๐๐ฑ๐, ๐ฌ๐จ๐จ๐ง๐ ๐๐ก๐๐ฐ๐๐๐ฒ๐๐ฒ ๐ก๐๐ฐ๐ฅ๐๐ก๐ ๐๐๐ฌ๐ซ๐ข๐ฒ๐๐ฒ๐ง๐ญ๐ ๐ข๐ฒ๐จ ๐๐ข๐-๐ฎ-๐ก๐๐๐๐ฒ๐ง๐ญ๐ ๐๐๐๐ง๐ค๐ ๐๐ก๐๐ฑ๐ ๐๐ ๐๐๐
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro), ayaa maanta Xarunta Madaxtooyada JSL kulan xog-warran ah oo muhiim ah kula yeeshay Maamulka Sare ee Baanka Somaliland, kaasi oo diiradda lagu saaray xoojinta shuruucda, dib-u-habaynta, iyo casriyeynta Hayโadda ugu sarreysa Siyaasadda lacageed ee dalka.
Madaxweynuhu waxa uu ammaanay doorka Baanka Dhexe ee Somaliland ee ilaalinta xasiloonida maaliyadeed iyo kalsoonida suuqa lacageed, isaga oo tilmaamay in Baanka Dhexe uu yahay Hayโad laf-dhabar u ah dhaqaalaha Qaranka iyo Tiirka uu ku taagan yahay koboca dhaqaale ee JSL.
Kulankan oo ahaa kii ugu horreeyey ee rasmi ah ee dhex mara Madaxweynaha iyo Hoggaanka Sare ee Baanka Dhexe tan iyo markii uu xilka la wareegay 12/12/2024; ayaa Guddida Sare ee Baanka Dhexe waxa ay Madaxweynaha si mug iyo aqoon leh ugaga xog warrameen hawlaha casriyeynta ee hadda socda, kuwaasi oo ay ugu mudan yihiin:
1. Kordhinta raasamaalka iyo Dakhliga Baanka Somaliland si loo adkeeyo awoodda maaliyadeed iyo madax-bannaanida hayโaddan muhiimka ah.
2. Qiimaynta Baanka Dhexe oo ay fulinayso shirkadda KPMG (Diagnostic Assessment) & Istraatijadda Muddada Dhexe ee gacanta lagu hayo;
3. Hirgelinta Barnaamijka Qaranka ee Nidaamka Lacag-bixinta Degdegga ah (NIIPS-National Inclusive Instant Payment System);
4. Mashruuca Switch-KA ee lagu mideynayo isku-xidhka bangiyada iyo Hayโadaha maaliyadeed ee dalka ka jira;
5. Aasaaska Diiwaanka iyo Tixraaca Daymaha Qaranka (Credit Reference Bureau);
6. Dhismaha Sanduuqa Caymiska Deposits (Deposit Insurance Scheme);
7. Dib-u-habaynta shuruucda iyo siyaasadaha Baanka Dhexe;
8. Casriyeynta iyo nidaaminta korjoogtaynta suuqa sarifka lacagaha qalaad;
9. Qiimaynta Aasaaska Bangiga Ganacsi ee Dawliga ah oo laga dhex saaro Baanka dhexe.
Guddida Sare ee Baanka Dhexe ee Somaliland waxa kale oo ay Madaxweynaha uga xog-warrameen xeeladaha lagu xoojinayo shilinka Somaliland, laguna ilaalinayo xasilinta qiimaha suuqyada iyo nidaamka lacag-beddelka, si loo abuuro jawi dhaqaale oo deggan oo dhiirrigeliya maalgashi caalami ah iyo kalsooni bulsho.
Madaxweynuhu waxa uu Hoggaanka Sare ee Baanka Somaliland ku ammaanay dedaalka ay muddo kooban ku bixiyeen dib-u-habaynta iyo casriyeynta Baanka, isaga oo ku bogaadiyey horumarka muuqda ee ku socda dhismaha nidaamyada maaliyadeed ee dalka.
Madaxweynuhu waxa uu carabka ku adkeeyey in Xukuumaddiisu ay si buuxda u garab taagan tahay dhammaan mashaariicdan istiraatiijiga ah, maadaama ay yihiin kuwo tiir-dhexaad u ah xoojinta kalsoonida Nidaamka Maaliyadeed, kor u qaadista hufnaanta maamulka dhaqaalaha, iyo ilaalinta xasilloonida lacageed ee dalka.
Kulanka waxa ka qayb galay Guddoomiyaha Baanka Dhexe, Guddoomiye ku-xigeenka, Agaasimaha Guud, iyo saddex Xubnood oo ka mid ah Guddida aan fulinta ahayn ee Baanka Dhexe ee Jamhuuriyadda Somaliland.
Kulanka ayaa ku soo gabagaboobay is-faham iyo Madaxweynaha Jamhuuriyadda Somaliland oo Maamulka Sare ee Baanka Dhexe u xaqiijiyey in ay Xukuumaddiisa ka goโan tahay in ay sii xoojiso wada shaqeynta ka dhexeysa Baanka Dhexe iyo Hayโadaha kale ee Dawladda, si loo horumariyo maamulka dhaqaalaha, fidinta adeegyada maaliyadeed, iyo xoojinta hayโadaha dhaqaale ee casriga ah, taasi oo qayb ka ah Qorshaha horumarinta Qaranka Jamhuuriyadda Somaliland.
