๐๐๐๐๐ฑ๐ฐ๐๐ฒ๐ง๐๐ก๐ ๐๐๐ฆ๐ก๐ฎ๐ฎ๐ซ๐ข๐ฒ๐๐๐๐ ๐๐จ๐ฆ๐๐ฅ๐ข๐ฅ๐๐ง๐ ๐จ๐จ ๐ค๐ฎ๐ฅ๐๐ง ๐ฆ๐ฎ๐ก๐ข๐ข๐ฆ ๐๐ก ๐ฅ๐ ๐ช๐๐๐ญ๐๐ฒ ๐๐๐ฒโ๐๐๐๐ ๐๐ฌ๐ค๐๐๐ฌ๐ก๐ข๐ ๐ ๐๐๐๐ฅ๐๐ฆ๐ข๐ ๐ ๐๐ก ๐๐ ๐๐ฌ๐ซ๐๐โ๐ข๐ข๐ฅ (๐๐๐๐๐๐), ๐ก๐๐ฅ๐ค๐๐๐ง๐ ๐ค๐ฎ๐ฅ๐ ๐ค๐ฎ๐ฅ๐ฆ๐๐ฒ ๐๐ ๐๐ง๐ฃ๐ข๐ง๐๐๐ซ ๐๐ข๐ฒ๐๐ก๐ ๐๐ก ๐จ๐จ ๐ซ๐๐๐ซ ๐๐จ๐ฆ๐๐ฅ๐ข๐ฅ๐๐ง๐ ๐๐ก
Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro) iyo weftigii uu hoggaaminayey oo ku jira maalintii afraad ee booqashada rasmiga ah ee uu ku tagay dalka Israaโiil, ayaa maanta kulan muhiim ah la yeeshay Masuuliyiinta sare iyo maamulka Hayโadda Iskaashiga Caalamiga ah ee dalka Israaโiil (MASHAV), oo ka mid ah Hayโadaha hormuudka u ah horumarinta Iskaashiga Caalamiga ah iyo kobcinta awoodaha farsamo ee dalalka saaxiibka la ah dalka Israaโiil.
Intii uu kulanku socday, Madaxweynaha iyo weftigiisu waxay la kulmeen dufcaddii labaad oo ka kooban 25 injineer dhinaca biyaha ah oo reer Somaliland ah, rag iyo dumarba leh, kuwaasi oo ay Hayโadda MASHAV tababar iyo aqoon-korodhsi la xidhiidha maamulka, maaraynta, sugidda iyo horumarinta khayraadka biyaha ugu qaaday dalka Israaโiil.
Madaxweynuhu waxa uu bogaadiyey dadaallada lagu horumarinayo aqoonta iyo xirfadaha khubarada Somaliland, isaga oo xusay in maalgashiga aqoonta iyo tayeynta khayraadka dadku ay laf-dhabar u yihiin horumarka waara ee Qaranka, isaga oo injineerada (rag iyo gabdhaba) ku bogaadiyey kuna dhiirrigeliyey dadaalkooda.
Sidoo kale, waxa uu si weyn ugu mahadnaqay Hayโadda MASHAV iyo hawl wadeennadeeda doorkeeda ku aaddan xoojinta iskaashiga dhinacyada horumarinta, tababarrada farsamada iyo dhismaha awoodda iyo aqoonta culuunta biyaha ee Hayโadaha Somaliland.
Kulankan ayaa muujinaya heerka sii kordhaya ee iskaashiga Jamhuuriyadda Somaliland iyo Dawladda Israaโiil, gaar ahaan dhinacyada horumarinta, maamulka biyaha, kobcinta aqoonta iyo dhismaha awoodaha xirfadeed ee aqoonta ee Injineerrada Somaliland.
