Madaxweyne kuxugeenka oo Shahaadooyin Gudoon Siiyay
Dufcadii 6aad ee ka Aflaxday Jaamacada Rift Valley
Hargeysa (Qaran)-Madaxweyne ku Xigeenka Jamhuuriyadda Somaliland, mudane Cabdiraxmaan Cabdilaahi Ismaaciil (Saylici) ayaa ka qaybgalay Xafladda Qalinjabinta Dufcaddi 6-aad ee ka qalinjebisa Jaamacadda Rift Valley.
Munaasibadii loo sameeyay qalinjabinta ardayda ka baxday Jaamacada Rift Valley, waxa ka qayb galay masuuliyiin ka tirsan xukuumadda Somaliland, waalidiinta, ardayda, maamulka jaamacada iyo mudan iyo marti sharaf kale.
Guddoomiyaha jaamacada Rift Valley Ifraax Axmed Aadan, ayaa ardayda ku hanbalyaysay dadaalka ay sameeyeen iyo guusha ay ka gaadheen, waxa ay intaas ku dartay in ay fursado waxbarasho siiyaan dadka hayntoodu hoosayso, sidoo kalena ay arday heerka labaad ee waxbarashada jaamacada ah ay u direen dalka dibeddiisa.
Madaxweyne ku xigeenka JSL, Mudane Cabdiraxmaan Cabdillaahi Ismaaciil (Saylici), ayaa ardayda, waalidiinta iyo macalimiinta ku hanbalyeeyay dadaalka ay galiyeen ardayda maanta qalinjabisay, waxaanu ku booriyay inay waxbarashooda halkaasi ka siiwadaan.
Gaba-gabadii waxa uu madaxweyne ku xigeenku shahaadooyinkii ay mutaysteen ku guddoonsiiyay ardaydii ka qalinjabisay Jaamacada Rift Valley.
