Murrashax Cirro oo ku soo Laabtay Hargeysa markii uu talooyin ka soo dhegaystay Taageereyaashiisa gobollada Bari
Hargeysa(Qaran news) Murrashaxa Madaxweynaha ee xisbiga mucaaridka ah ee WADDANI, Md. Cabdiraxmaanb Maxamed Cabdilaahi (Cirro) ayaa soo dhammaystay socdaal wada tashiya oo uu ugu baxay taageereyaasha xisbiga ee magaalooyinka Ceerigaabo, Caybaba,Burco iyo Berbera oo intaba uu kulamo albaabadu u xidhnaayeen la yeeshay.
Waxaanu siduu hore u sheegay uu taladooda ka soo dhegaystay taageereyaasha iyo madaxda xisbiga WADDANI ee saddexdaas magaalo.
Guddoomiyaha gobolka Saaxil Cali Case ayaa xafiiskiisa ku qaabilay musharraxa xisbiga Waddani Cabdiraxmaan Cirro, oo socdaal saaka ku soo maray Berbera. Ka hor inta aanu ku soo laabsn Hargeysa galabta.
Murrashax Cirro waxa lagu wadaa inuu maalmaha fooda innagu soo haya ka hadlo mowqifka xisbigiisa iyo xaaladda dalkaba.
