Musharraxa xisbiga Waddani oo Munaasibada Ciidda Bogaadiyay Shacbiga Somaliland
Hargeysa(Qaran news)-Musharaxa Xisbiga WADDANI mudane mudane Cabdiraxmaan Maxamed Cabdilaahi Cirro ayaa bulshada Somaliland iyo guud ahaan Islaamka ugu hambalyeeyay farxadda ciidda waxana uu yidhi
Hamabalyo. Ciid wanaagsan dhammaan ummadda muslimiinta meel kasta oo ay joogaanba, gaar ahaanna dadkayga reer Somaliland munaasibadda Ciidal-Fidiriga ee caawa inoo bilatay awgeed.
Ilaahay waxa aan inoo weydiinayanaa in uu innaga aqbalo dhammaan cibaadooyinkii aynu gudannay bishii barakeysneyd ee Ramadaan, ciiddan ciideedana RABI ha innagu gaadhsiiyo nabadgelyo, xasilooni, badhaadhe, iyo isbeddel dalkeenna ka dhaca oo inoo horseeda horuman, sinnaan & caddaalad .
