Sulaadiinta Beesha Ciise Muuse oo Raaligelin ka Bixiyay Hadal ka soo Yeedhay Nin Suldaan Sheegtay
Hargeysa(Qaran news)-Salaadiinta beesha Ciise Muuse ayaa raaligelin ka bixiyay hadal naxli xambaarsan oo ka soo yeedhay nin suldaan sheegtay oo la yidhaahdo Yuusuf Kabo-dheere waa sida ay hadalka u dhigeene.
Salaadiintu waxay sheegeen in ninkaasi ahay suldaan iyo caaqil midna hadalka uu ku sheegay in qoriga buurta Gacan-libaax lala fuulay uu ku fooraro beesha Ciise Muuse.
Suldaab Aadan Cawil ayaa sheegay in beelaha Habar-yoonis iyo Ciise Muuse ay walaalo yihiin wuxuuna tilmaamay in shaqaaqadii deegaanka Cali-saahidna ay ku dhammaatay su walaalnimo leh.
Waxa kaloo uu intaas in aanay jirin wax colaad iyo xumaan ah oo beelahaas walaalaha ah dhex taallaa.
Sidoo kale salaadiin kale oo halkaas ka hadlay ayaa raaligelin ka bixiyay ninkaas suldaanka sheegay oo ay ku eedeeyeen inuu fidmo abuurayey isla markaana aanay beel ahaan la qabin wixii uu ku hadlay.
