Tababar loo Furay Hawlwadeennada Cilmi Baadhista Wasaaradda Beeraha
Hargeysa, (Qaran news)-Wasiir Ku-xigeenka Beeraha oo Tababbar u Furay Hawl-wadeenada Cilmi-baadhista Ee Wasaaradda
Wasiir ku-xigeenka Wasaaradda Horumarinta Beeraha JSL Maxamuud Warsame Jaamac, ayaa Maanta Tababbar u furay Hawl-wadeenada Waaxda Cilmi-baadhista iyo Fidinta ee Wasaaradda Beeraha.
Tababbarkan oo ay soo agaasintay Waaxda Cilmi-baadhista iyo fidinta beeraha Somaliland, ayaa ujeeddadiisu tahay sidii aqoonta shaqaalaha kor loogu qaadi lahaa.
Tababbarkan oo uu furay Wasiir ku-xigeenka Wasaaradda Beeraha, ayaa ka qayb-galay Agaaeimaha guud ee Wasaaradda Beeraha Prof. Aadan Cabdillaahi Sheekh Muuse iyo Masuuliyiin uu ka mid yahay Agaasimaha waaxda Cilmi-baadhista Axmed Nur Aadan.
Wasiir ku-xigeenka Beeraha iyo Agaasimaha guud oo halkaa ka hadlay, ayaa ka qayb-galayaasha u soo jeediyey inay ka faa’iidaystaan Tababbarkan oo soconaya Muddo 3 Maalmood ah.
