Dab Qabsaday Guri Jiingad ah oo ku Yaalla State Houseka
Hargeysa(Qaran news)-Ciidanka Dab-demiska Hargeysa oo habeenimadii xalay Abaaro 3:00 Habeenimo damiyay Dab Qabsaday Guri Jiingad ah oo ku yaala degmada Gacmadheere gaar ahaan xaafada Istaad hawska.
Goobtan Istaad hawska oo ah isku raran halis ah, isla markaana khatar ah in dab weyni baabiiyo oo in badan uga dignay dadka degan. Ciidanka ayaa ku guuleystay xakamaynta dabkaas oo ahaa mid gaadhi lahaa guryihii u dhawaa halkaasoo ay ku yaalaan kumaankun guri oo ay adagtahay in si fudud loo maro.
Ciidanka Booliska degmada Gacmadheere ayaa iyaguna dhankooda hawlgalkaa ka qayb qaatay ciidamada Booliska.
Goobtan Istaad hawska ayaa Taliyaha Ciidanka Dabdemisku sareeyo guuto Axmed Maxamed Xasan Sawaaxili in badan uga digay khatarta ka iman karta goobtaa xaafadaas habka ay u deganyihiin iyo wadooyin laanta.
Ciidanka Dab-demisku wuxuu halkan fariin uga dirayaa bulshada Somaliland in ay ka digtoonaadaan wax kasta oo keeni ama sababi kara dab. Sidoo kale ay muhiim tahay in dabka la soo sheego inta uu yaryahay.
