Madaxweynaha oo Hal Qoddob oo Xeerka doorashooyinka ah u Gudbiyay Maxkamadda
Hargeysa(Qarannews)- Madaxweyne Muuse Biixi Cabdi wuxuu maanta duhurkii caddeeyey inuu aqbalay xeerkii Doorashooyinka ee dhawaan Baarlamaanku u soo gudbiyeen.
Madaxweynuhu wuxuu xaqiijiyay in hal qoddob oo kaliya oo xeerkaas ku jira uu maxkamadda sare ka codsadey inay Dastuurka waafajiyaan
Halkaas qoddob ayaa ah qoddobka 93 farqadiisa 5 aad oo sheegaysa haddii laba urur isku mid noqdaan codadka Doorashada in Baarlamaanku fadhi wada jir ah isku iman doono oo ay u codeyn doonan ururka xisbi noqon doona.
Sidaas madaxweynuhu wuxuu maanta duhurkii u sheegay xildhibaano ka tirsan Golaha Wakiillada, oo uu qado u sameeyey.
