Fadhigii 75-aad ee Shirka Golaha Wasiirrada JSL oo uu Shir-guddoominayey Madaxweyne ku-xigeenka Jamhuuriyadda Somaliland ahna ku-simaha Madaxweynaha, Mudane Maxamed Cali Aw Cabdi ayaa maanta ka qabsoomay Qasriga Madaxtooyada Jamhuuriyadda Somaliland.
Qodobbada lagaga wada hadlay Fadhiga 75-aad waxa ka mid ahaa:
๐. ๐๐๐๐ฅ๐๐๐๐ ๐๐ฎ๐ฎ๐ ๐๐ ๐๐ฆ๐ง๐ข๐ ๐ ๐๐๐ฅ๐ค๐:
Wasiirka Arrimaha Gudaha iyo Amniga Qaranka JSL, Mudane Cabdalle Maxamed Carab, ayaa Golaha uga xog-warramay xaaladda amniga iyo xasilloonida dalka, isaga oo adkeeyey in sugidda amniga dalku uu yahay aasaaska xasilloonida, Qarannimada iyo horumarka Somaliland.
Wasiirku waxa uu xaqiijiyey in guud ahaan xaaladda amni ee dalku ay wanaagsan tahay, isla markaana Hayโadaha Amniga Qaranku ay si buuxda ugu diyaarsan yihiin ilaalinta nabadda, kala dambaynta iyo midnimada qaranka, iyada oo la sii xoojinayo wada-shaqaynta Hayโadaha Qaranka ee amniga iyo feejignaanta bulshada JSL.
๐. ๐๐๐๐ฒ๐จ-๐ช๐จ๐ซ๐๐๐ฅ๐ค๐ ๐๐๐๐ซ๐ค๐ ๐๐ข๐ข๐๐๐ง๐ค๐ ๐๐ฌ๐ฅ๐ฎ๐ฎ๐๐ญ๐ ๐๐๐:
Wasiirka Wasaaradda Caddaalada JSL, Mudane Yoonis Axmed Yoonis iyo ku-xigeenka Garyaqaanka Guud, ahna ku-simaha, Mudane Garyaqaan Mubaarig Maxamuud Cabdi (Fallaag) ayaa Golaha faahfaahin ka siiyey muhimadda iyo ujeeddada Xeerka Ciidanka Asluubta JSL.
Wasiirka Caddaaladda JSL waxa uu xusay in Wasaaraddu ay dhammaystirtay Xeerkan oo ah Xeer muhiim u ah Qaranka, Ciidanka Asluubtuna uu muddo dheer baahi weyn u qabay, maadaama uu yahay Xeer uu waajibiyey Dastuurka JSL qodobkiisa 124-aad. Wasiirku waxa uu iftiimiyey ujeeddada Xeerka, taasoo ah maamulka Ciidanka Asluubta, qeexitaanka qaab-dhismeedka, awoodaha, waajibaadkooda, masuuliyadaha,
xuquuqaha, hannaanka dallacaadaha iyo anshax marinta xubnaha Ciidanka Asluubta.
Wasiirku waxa uu Golaha ka codsaday in ay soo darsaan Qabyo-qoraalka Xeerka Ciidanka Asluubta JSL, taladoodana ku biiriyaan.
๐. ๐๐จ๐จ๐๐๐๐ค๐ ๐๐ฅ ๐๐ขล๐จ, ๐ฌ๐๐๐ฆ๐๐ฒ๐ง๐ญ๐ ๐๐ฒ ๐ค๐ฎ ๐ฒ๐๐๐ฅ๐๐ง ๐ค๐๐ซ๐๐๐ง ๐๐จ๐ฆ๐๐ฅ๐ข๐ฅ๐๐ง๐, ๐ข๐ฒ๐จ ๐๐ข๐ฒ๐๐๐ซ-๐ ๐๐ซ๐จ๐ฐ๐ ๐ ๐ฅ๐จ๐จ๐ ๐ ๐๐๐๐ก๐๐ง ๐ฒ๐๐ก๐๐ฒ ๐๐๐ฒโ๐๐๐๐ก๐ ๐๐๐ฐ๐ฅ๐๐๐๐ ๐๐ ๐๐ฒ ๐ค๐ก๐ฎ๐ฌ๐๐ฒ๐ฌ๐จ:
Golaha Wasiirrada Jamhuuriyadda Somaliland ayaa ka arrinsaday roobabka la saadaalinayo ee ka dhasha saamaynta El Niรฑo (dhacdo cimilo), iyo khataraha ay xaaladdaasi ku yeelan karto dalka, gaar ahaan deegaanka, xoolaha, beeraha iyo bulshada nugul.
Wasiirka Deegaanka iyo Isbeddelka Cimilada, Mudane Cabdilaahi Cismaan (Geeljire) iyo Wasiirka Horumarinta Beeraha, Mudane Aadan Geedi Qayaad ayaa Golaha ka hor jeediyey warbixinno ku saabsan saamaynta El Niรฑo, xaaladda cimilada iyo diyaar-garowga looga baahan yahay Hayโadaha ay khusayso, si loo yareeyo khataraha fatahaadaha, daadadka iyo waxyeellada ka dhalan karta roobabka xooggan.
Dawladda Jamhuuriyadda Somaliland waxa ay bulshada ugu baaqaysaa feejignaan, diyaar-garow iyo wada-shaqayn, iyada oo hayโadaha ay khusayso lagu dhiirrigelinayo in ay qaadaan tallaabooyinka lagama maarmaanka ah ee lagula tacaalayo xaaladdan iyada ah.
๐. ๐๐จ๐จ๐๐๐ ๐๐จ๐ฅ๐๐ก๐: ๐๐๐๐ฆ๐๐ฒ๐ง๐ญ๐ ๐๐ฆ๐ง๐ข, ๐๐ก๐๐ช๐๐๐ฅ๐ ๐ข๐ฒ๐จ ๐ ๐๐ง๐๐๐ฌ๐ข ๐๐ ๐ฑ๐๐๐ฅ๐๐๐๐ ๐ฆ๐๐ซ๐ข๐ง๐ค๐ ๐๐๐ ๐๐ฅ-๐๐๐ง๐๐๐ ๐๐ฒ ๐ค๐ฎ ๐ฒ๐๐๐ฅ๐๐ง ๐ค๐๐ซ๐ญ๐จ ๐๐จ๐ฆ๐๐ฅ๐ข๐ฅ๐๐ง๐
Golaha Wasiirrada Jamhuuriyadda Somaliland ayaa maanta ka dooday saamaynta amni, dhaqaale iyo ganacsi ee xaaladda marinka Bab el-Mandeb iyo colaadaha Bariga Dhexe ayvku yeelan karaan Somaliland, gaar ahaan dhinacyada amniga badda, isu-socodka ganacsiga, dekedaha, iyo dhaqaalaha dalka.
Goluhu waxa uu isla qaatay muhiimadda ay leedahay diyaar-garow Qaran, isku-duwidda Hayโadaha Dawladda ee ay khusayso iyo Qorshe midaysan oo lagula tacaalayo waxyeellada ka dhalan karta isbeddellada amni iyo dhaqaale ee gobolka, iyada oo la ilaalinayo xasilloonida, amniga iyo danaha mudnaanta u leh Jamhuuriyadda Somaliland.
